ग्रिनकार्ड ६० दिनका लागि बन्द गर्ने अमेरिकी राष्ट्रपति ट्रम्पको घोषणा

काठमाडौं – अमेरिकामा स्थायी बसोबासको नयाँ अनुमति दिने काम दुई महिनासम्म बन्द गर्ने अमेरिकी राष्ट्रपति डोनाल्ड ट्रम्पले घोषणा गरेका छन् ।

मंगलबार रातिको नियमित प्रेस ब्रिफिङमा उनले यो आदेश अमेरिकामा स्थायी रुपमा बस्न चाहने र अस्थायी रुपमा काम गर्न अमेरिका आउनेहरुका लागि लागु हुने उनले बताए ।

उनले यदि आवश्यक परेमा यसलाई ३० दिनका लागि या त्योभन्दा पनि धेरै समयसम्म बढाउन सकिने बताएका छन् ।

सोमबार ट्वीट मार्फत आप्रवासन सम्बन्धी गतिविधि अस्थायी रुपमा रोक्ने घोषणा गरेर त्यसबारे लगत्तै केही जानकारी नदिएका ट्रम्पले मंगलबार त्यसलाई स्पष्ट पारेका हुन् ।