भारतमा कोरोना संक्रमितको संख्या साढे १८ हजार नाघ्यो, ५९२ जनाको मृत्यु

नयाँदिल्ली – भारतमा कोरोना भाइरसबाट संक्रमित हुनेको संख्या १८ हजार नाघेको छ । सोमबार एकैदिन भारतमा ९२४ जनाभन्दा धेरै संक्रमित फेला परेसँगै संक्रमितको संख्या १८ हजार नाघेको हो ।

त्यस्तै सोमबारमात्रै कोरोना भाइरसबाट संक्रमित ३३ जनाभन्दा बढीको मृत्यु भएको छ । योसँगै भारतमा मृत्यु हुनेको संख्या ५९२ पुगेको छ ।

पछिल्लो समय भारतमा कोरोना भाइरस तीब्र रुपमा फैलिएको छ ।

दिनहुँ एक हजारभन्दा बढी संक्रमित फेला पर्न थालेपछि भारत सरकारलाई थप संकट आइपर्न लागेको अधिकारीहरुले बताएका छन् ।

भारतमा संक्रमणको दर बढेसँगै नेपाल थप सतर्क हुनुपर्ने देखिएको छ ।