चीनलाई डोनाल्ड ट्रम्पको धम्की – कोरोना फैलिनुमा जिम्मेवार पाइए त्यसको परिणाम भोग्नुपर्छ

एजेन्सी – कोरोना भाइरस महामारीका लागि चीन जिम्मेवार पाइएमा उसले त्यसको परिणाम भोग्नुपर्ने अमेरिकी राष्ट्रपति डोलान्ड ट्रम्पले चेतावनी दिएका छन् ।

चीन कोरोना भाइरसका विषयमा जानकार रहेको भए उसले त्यसको परिणाम भोग्नुपर्ने उनले नियमित्र पत्रकार सम्मेलनका क्रममा बताएका हुन् ।

अमेरिकी न्युज च्यानल फक्सले चीनले भाइरसको क्षमता र त्यसविरुद्ध आफ्नो क्षमता परीक्षणका लागि भाइरस फैलाएको समाचार प्रसारण गरेको विषयमा ट्रम्पले आफ्नो धारणा राखेका थिए ।

उनले कोरोना भाइरस प्रयोगशालाबाट आएको हो कि होइन् भन्ने विषयमा अध्ययन भइरहेको बताएका छन् । अमेरिकालाई साथ दिएर बेलायतले पनि चीनले कोरोना भाइरस सम्बन्धि कडा प्रश्नको सामना गर्नुपर्ने जनाएको थियो ।

उनले चिनियाँ भाइरस भन्नेदेखि विश्व स्वास्थ्य संगठनको सहयोग कटौतीसम्मका कदमउनले उठाइ सकेका छन् । कोरोना भाइरसको विषयमा पटक पटक ट्रम्प चीनविरुद्ध खनिएका छन् ।