कोरोना संक्रमित १२ जना विराटनगरको कोरोना अस्पतालमा भर्ना

विराटनगर – उदयपुरको एउटै मस्जिदमा भेटिएका १२ जना कोरोना संक्रमितलाई विराटनगरमा रहेको कोरोना विषेश अस्पतालमा उपचार सुरु गरिएकाे छ ।

एक नेपाली र ११ जना भारतीय नागरिकलाई प्रदेश १ सरकारले निर्माण गरेको कोरोना विषेश अस्पतालमा राखिएको अस्पतालले जनाएकाे छ ।

संक्रमितसँगै आएका ४ जनालाई भने मोरङको टाडीस्थित क्वारेन्टाइनमा राखिएको छ । कोशी अस्पताल विराटनगरले हेर्ने गरी निर्माण गरिएको कोरोना विषेश अस्पतालले कोरोना संक्रमण नदेखिएका चार जनालाई भर्ना गर्न नमानेपछि उनीहरुलाई मोरङको टाँडीमा निर्माण गरिएको क्वारेन्टाइनमा राखिएको उदयपुरका प्रमुख जिल्ला अधिकारी दीपककुमार पहाडीकाे भनाइ छ ।

संक्रमितहरु सबै पुरुष हुन् ।