बेलायतमा लकडाउन ३ हप्ता थप

एजेन्सी – बेलायतमा लकडाउनको समय तीन हप्ता थप भएको छ । बेलायतका विदेश मन्त्री डोमिनिक राबले कोरोना भाइरस (कोभिड १९) रोकथामका लागि भन्दा कम्तीमा तीन हप्ता लकडाउन थप्ने घोषणा गरेका हुन् ।

प्रधानमन्त्री बोरिस जोनसनलाई कोरोनाको सङ्क्रमण भएपछि विदेश मन्त्री राबले कार्यवाहक प्रधानमन्त्रीको जिम्मेवारी सम्हाल्दै आएका छन् ।

कोरोना संक्रमणले मृतक र संक्रमितकाो संख्यामा कमी आएपनि सङ्क्रमण देशको लागि खतरा छैन भन्ने यकिन नभएसम्म लकडाउन थपिरहने पनि विदेशमन्त्री राबले बताएका छन् ।

बेलायतमा अहिलेसम्म कोरोना सङ्क्रमणका कारण १३ हजारभन्दा धेरैको मृत्यू भएको छ ।