छिमेकी देश भारतमा मृतकको संख्या २२७ पुग्यो, साढे ६ हजारमा संक्रमण

काठमाडौं – कोरोना भाईरसको संक्रमणका कारण छिमेकी देश भारतमा २२७ जनाको मृत्यू भैसकेको छ । संक्रमित हुने मानिसको संख्या छ हजार सात सय २५ पुगेको छ ।
भारतमा संक्रमितमध्ये ६ सय ३५ जना मात्रै निको भएर घर फर्किएका छन् । अहिलेसम्म १ लाख ७७ हजार ५ सय ८४ जनामा संक्रमण भएको हो या हैन भनेर परीक्षण गरिएको छ ।

अहिलेसम्म भारतका २८ राज्यमा यो भाइरसका संक्रमित देखिएका छन् । त्यसमध्ये महाराष्ट्र सबैभन्दा प्रभावित बनेको छ । महाराष्ट्रमा अहिलेसम्म यो एक हजार तीन सय ६४ संक्रमित भेटिएका छन् । यो क्षेत्रमा अहिलेसम्म ९८ जनाको मृत्यु पनि भइसकेको छ ।