अमेरिकाको अवस्था थप भयावह : आज पनि १९ सय को मृत्यू, मृतकको संख्या १७ हजार नजिक

एजेन्सी – कोरोना संक्रमण फैलिएको १०९ देशमध्ये सबैभन्दा धेरै अमेरिकाको अवस्था भयावह बन्दै गएको छ । पछिल्लो २४ घण्टामा मात्रै १९ सयको मृत्यु भएसँगै अमेरिकामा मृतककाे संख्या १६ हजार ६ सय ९१ पुगेको छ । अमेरिकामा शुक्रबार एकैदिन झण्डै ३४ हजार नयाँ बिरामी थपिएसँगै संक्रमितको संख्या ४ लाख ६८ हजार भन्दा धेरै पुगेको छ ।

अमेरिकामा संक्रमितमध्ये २६ हजारको हाराहारीमा मात्रै संक्रमित निको भएर घर फर्किएका छन् । ४ लाख २५ हजार ९ सय जनाको उपचार भैरहेको छ । १० हजारको अवस्था गम्भिर छ । अमेरिकामा सबैभन्दा धेरै न्युयोर्क सिटीमा असर परेको छ ।

न्युयोर्कमा अहिलेसम्म १ लाख ६१ जहारमा संक्रमण फैलिएको छ भने ७ हजार भन्दा धेरैको मृत्यू भैसकेको छ । न्यूयोर्कमा मात्रै ३ लाख ९१ हजारमा कोरोना परीक्षण गरिएको थियो ।