कोरोनाको कहरः अमेरिकामा मात्रै ४ लाख भन्दा धेरै संक्रमित

एजेन्सी – कोरोना भाईरसको संक्रमणका कारण अमेरिकामा मात्रै कोरोना संक्रमितको संख्या ४ लाख नाघेको छ । साढे १२ हजारभन्दा धेरैको मृत्यु भएको छ ।

विश्वका २ सय ९ देश र दुई वटा अन्तराष्ट्रिय पानी जहाजमा फैलिँदा १४ लाख ३१ हजार ५ सय ४० जनामा कोरोना संक्रमण पुष्टि भएको छ ।

जसमध्ये अमेरिकामा मात्रै संक्रमितको संख्या ४ लाख नाघेको हो । अमेरिकामा मात्रै ४ लाख ४ सय १२ जनामा कोरोना संक्रमण पुष्टि भएको वल्डओमिटरले जनाएको छ । १२ हजार ८ सय ५४ जनाको मृत्यु भएको छ ।

२१ हजार ६ सय ७४ जना उपचार पछि निको भएर घर फर्किएका छन् ।