जमूनाह नाकामा अलपत्र १८१ जनाको उद्धार

काठमाडौँ- नेपाल भारत सीमाना जमूनाह नाकामा अलपत्र १८१ जनाको उद्धार गरिएको छ ।

सीमामा अलपत्र नेपालीलाई जयसपुरमा अस्थायी पाल निर्माण गरि राखिएको हो । नेपालगञ्ज उप–महानगरपालिकाले महेन्द्र बहुमुखी क्याम्पस नेपालगञ्ज र जयसपुरमा निर्माणाधिन एकीकृत जाँच चौकीमा क्वारेन्टाईन निर्माण गरि भारतबाट फर्केका नेपालीहरुलाई राखेको छ ।

सीमा नाकामा अलपत्र नेपालीहरुलाई नेपाली भूमीमै ब्यवस्थापन गरिएको हो । भारतबाट फर्केर क्वारेन्टाईनमा बसेका नेपालीहरुको खानपान, स्वास्थ्य, सरसफाई र खानेपानी लगायत अत्यावश्यक ब्यवस्थापन नेपालगञ्ज उपमहानगरपालिकाले गरिरहेको नगर प्रमुख डा. धवलशम्शेर राणाले जानकारी दिए ।

नगर प्रमुख डा. राणाले विहिवार विज्ञप्ती निकालेर क्वारेन्टाईन निर्माण गरिएको स्थानमा आम नागरिकहरुलाई आवागमन गर्न बन्देज गरिएको जानकारी दिए ।

नगर प्रमुख राणाले भारतबाट फर्केका नेपाली नागरिकको सहयोगको लागि एकद्धार प्रर्णालीमार्फत सहयोगका लागि आग्रह गरेका थिए ।

सहयोगका लागि ब्यक्ति संघ संघ संसथा र उद्योगीहरुले नगर प्रमाण राणालाई ९८५८०२०२०२, उपप्रमुख उमा थापालाई ९८५८०२२०७६ र बरिष्ठ आलेप अलिकृत खिमानन्द अर्याललाई ९८५८०२२६९० मा सम्पर्क गर्न अनुरोध गरिएको छ ।