कर्णाली प्रदेशका २८ जनाको नमुना परीक्षण गर्न काठमाडौं पठाईयो

सुर्खेत – कर्णाली प्रदेशबाट अहिलेसम्म कोरोना भाइरसको संक्रमणको आशंका गरिएका २८ जनाको नमुना परीक्षणका लागि जनस्वास्थ्य प्रयोगशाला काठमाण्डौँ पठाइएको छ ।

अहिलेसम्म रिपोर्ट आएका १७ जनाको रिर्पोट नेगेटिभ आएको छ । नुमना परीक्षणका लागि पठाएका ११ वटा रिर्पोट भने आउँन बाँकी छ । तीन जनाको नमुना परीक्षणका लागि आज पठाइदै छ ।

कर्णाली प्रदेश स्वास्थ्य निर्देशनालयका निर्देशक रिता भण्डारीले सुर्खेतको एक जना र डोल्पाको दुई जनाको नमुना परीक्षणका लागि आज पठाउन लागिएको बताईन ।

मन्त्रालयले दिएको जानकारी अनुसार हुम्लाबाट दुई जना, डोल्पाबाट तीन, सुर्खेतबाट १० जना, कालिकोटबाट एक जना, जुम्लाबाट तीन जना, रुकुमपश्चिमबाट चार जना, दैलेखबाट दुई जना, सल्यानबाट तीन जनाको नुमना परीक्षण पठाइसकिएको हो ।