‘लकडाउन’ को समयमा शारीरिक कसरत गरिरहन डब्ल्यूएचओको आग्रह

काठमाण्डौ -लकडाउनको समयमा घरमै बस्दा पनि शारीरिक सक्रियता भने कायम राख्नुपर्ने विश्व स्वास्थ्य सङ्गठनले जनाएको छ ।

लामो समय बसिरहँदा शरीरमा अर्को समस्या आउन सक्ने भन्दै विश्वर स्वास्थ्य संगठनले घरभित्रै गर्न सकिने शारीरिक कसरत गर्न आग्रह गरेको हो ।

हरेक दिन शरीरलाई सक्रिय बनाउनको लागि एउटा तालिका बनाइ घरमै गर्न सकिने व्यायामहरु गर्न सकिने संगठनको शुझाव छ ।

यो समयमा घरमा भएका परिवारको साथ सक्रिय हुन र साथीहरुसँग सञ्चारका माध्ययमबाट सम्पर्कमा रहिरहन आग्रह गर्दै विश्व स्वास्थ्य सङ्गठनले यो समय परिवारसँगै बगैँचामा हिँड्ने, साइकल चलाउने, आराम गर्ने, मिलेर खाना बनाउने गरेमा शारीरिक र मानसिक दुवै स्वास्थ्य ठिक रहने बताएको छ ।