नेपाल ‘लकडाउन’ : उपचार नपाउँदा ३ बालिकाको मृत्यु

काठमाडौं – कोरोना भाइरस महामारी जोखिम न्यूनिकरणका लागि सरकारले घोषणा गरेको देशव्यापी लकडाउनका कारण ३ बालिकाको मृत्यु भएको छ ।

उनीहरुको उपचारमा पहुँच नपुगेर मृत्यु भएको कान्ति बाल अस्पतालले जनाएको छ ।

कान्ति बाल अस्पतालमा उपचारका लागि ल्याउन नपाउँदै काठमाडौंका दुई र सर्लाहीका एकजना बालिकाको बाटोमै ज्यान गएको हो ।

अस्पताल पुग्नेवित्तिकै अस्पतालले उनीहरुलाई मृत घोषणा गरेका थिए।

लकडाउनका कारण सवारी साधन नचलेको र अभिभावककमा पनि सुझबुझ नहुँदा अकालमा बालिकाले ज्यान गुमाउनु परेको अस्पतालले जनाएको छ ।
उनीहरुको परिचय भने खुलाईएको छैन ।