स्वास्थ्य सामग्री बोकेर चिनियाँ विमान नेपालतर्फ उड्यो

काठमाडौं – स्वास्थ्य सामग्रीहरु बोकेर चिनियाँ विमान काठमाडौं प्रस्थान गरेको नेपालस्थित चिनियाँ दूतावासले जनाएको छ ।

चीनको सिचुवान प्रान्त सरकार र सिचुवान लगानी समूहले नेपाललाई दान दिएका सामग्री बोकेर निनियाँ विमान नेपाल प्रस्थान गरेको हो ।

स्वास्थ्य सामग्रीहरु बोकेर चिनियाँ विमान ग्वाङ्झाओबाट नेपाल प्रस्थान गरिसकेको र छिट्टै आइपुग्ने नेपालका लागि चिनियाँ राजदूत होउ यान्छीको भनाई छ ।

राजदूत यान्छीले नेपाल ल्याउन लागिएका स्वास्थ्य सामग्रीहरु प्याक गरिएका कार्टुनका तस्वीर आफ्नो सामाजिक सञ्जाल मार्फत सार्वजनिक गरेकी छिन् ।

यस्तै चीनको ज्याकमा फाउन्डेसन र अलिबाबा फाउन्डेसनले सहयोग गरेको मास्कलगायतका महामारी रोकथाम सामग्रीको पहिलो खोप पनि काठमाडौं आउँदैछ ।