चीनले नेपाललाई दियो झण्डै ३६ लाख रुपैयाँ बरबारको २ हजार किट उपहार

 काठमाडौं । चीनले नेपाललाई कोरोना भाइरस परीक्षणका लागि २ हजार किट उपलब्ध गराएको छ । चीनको बिइजिङ मल्टिपल ट्रेड एण्ड कमर्स ब्युरोले कोरोना भाइरसविरुद्ध लड्न बेइजिङस्थित नेपाली दूतावासमार्फत २ हजार किट हस्तान्तरण गरेको हो ।

व्युरोको तर्फबाट इन्भेस्टमेन्ट एण्ड कोअपरेसन कन्सल्टिङ सर्भिस कम्पनी प्राइभेट लिमिटेडले किट उपलब्ध गराइएको हो ।

किट सहयोग नेपाल–चीनबीचको भातृत्वको भाव भएको कम्पनीका अध्यक्ष हरिप्रसाद ढुंगानाले एपीडी न्युजलाई जानकारी गराएका छन् ।

किट ३० हजार अमेरिकी डलर मूल्यबराबर रहेको र यसले २ हजार मानिसको स्वास्थ्य परीक्षण गर्न सकिनेछ । पर्याप्त किट नभएपछि नेपाल सरकार यसको जोहोमा जुट्ने तयारी गरेको थियोन ।

केही दिनअघि नेपालका लागि चिनियाँ राजदूत होउ यान्छीले चीन नेपालको साथमा रहेको भन्दै ट्वीट गरेकी थिइन् ।

किट अभावपछि टेकुस्थित राष्ट्रिय प्रयोगशालाले जनवरीदेखि हालसम्म ६८७ नमूना मात्र परीक्षण गर्न सकेको छ । यसमध्ये तीन जनाको रिपोर्ट पोजेटिभ आएको छ ।