कोरोना संक्रमण रोकथामका लागि अमेरिकाको सहयोग ईरानद्धारा अस्वीकार

एजेन्सी – ईरानले कोरोना भाइरसविरुद्धको संक्रमण रोकथाम र नियन्त्रणका लागि अमेरिकी सहयोग अस्वीकार गरेको छ ।

इरानमा मृतकको संख्या बढ्दै गएपछि मानवीय सहयोग प्रदान गर्ने अमेरिकाले प्रस्ताव गरेपनि इरानले त्यसलाई अस्वीकार गरेको बीबीसीले जनाएको छ ।

अहिले इरानको मध्यपूर्वी क्षेत्रमा २१ हजार ६ सय ३८ जना संक्रमित पुष्टि भइसकेको छ भने १ हजार ६८५ जनाको मृत्यु भइसकेको छ ।

अमेरिकाले कोरोना भाइरसको महामारीको बीचमा मद्दत गर्ने प्रस्ताव धेरै पटक गरेको र आफैं अभावमा गुज्रिरहेको अमेरिकाले यस्तो प्रस्ताव गर्नु आफैंमा अचम्म छ भएको भन्दै
इरानका सर्वोच्च नेता अयतोल्लाह खमेनीले अमेरिकाले नै भाइरस पैदा गरेको आरोप लगाए ।

अमेरिका र इरानले एकअर्कालाई दुश्मन ठान्दै आएका छन् । अमेरिकी राष्ट्रपति डोनाल्ड ट्रम्पले इरानसँग सन् २०१५ मा भएको परमाणु सम्झौतालाई सन् २०१८ मा खारेज गरेपछि दुई देशबीच तनाव बढेको थियो ।