कोरोना महामारी – उत्तर कोरियामा संक्रमण दर उच्च, भोकमरी शुरु

प्योङयाङ-विश्वभर माहामारी बन्दै गइरहेको कोरोना संक्रमण सुरुभए यता नै उत्तर कोरियाले आफ्ना स्थल तथा हवाई मार्गहरु बन्द गराएको थियो ।

हालसम्म पनि उत्तर कोरियाले आफ्नो देशमा कोरोना संक्रमण नभएको दावी गरिरहेको छ । तर प्रत्यक्ष दर्शीहरुका अनुसार उत्तर कोरियाली राजधानी प्योङयाङमा कोरोना संक्रमण व्यापक भईसकेको छ ।

उत्तर कोरियाको भ्वइस अफ मार्ट्यस नामक कृष्चियन समुदायमा तथा अन्य चर्चहरुमा समेत संक्रमण व्यापक रुपमा फैलिसकेको छ ।

संक्रमणबाट प्योङयाङ तथा सिन्वीजु शहर आक्रान्त बनिसकेका छन् । प्रत्यक्ष दर्शीहरुका अनुसार हाल उत्तर कोरियाली शहरहरुमा चरम भोकमारी सुरु हुन थालिसकेको छ रअवस्था एकदमै भयावह रहेको छ ।

हालसम्म पनि उत्तरले बाहिरी विश्वलाई आफ्नो देश सङ्क्रमण मुक्त रहेको दावी गरिरहेको छ । उसले कोरियामा एक जनामा पनि संक्रमण नभएको दावी गरिरहेको छ । तर उत्तर कोरियाली गतिविधि हेर्ने अमेरिकि सैन्य कमाण्डर रोवर्ट अव्राहम्सले भने उत्तरमा कोरोना संक्रमण व्यापक भईसकेको बताउदछन् ।

यता उत्तर कोरियाली सर्वोच्च नेता किम जोङ उनले भने प्योङयाङमा एक अस्पतालको सिलान्यास गरेका छन् र उनले सो अस्पताल निर्माण सम्पन्न गर्न २०० दिनको समय सिमा समेत तोकेका छन् जसमा कोरोना संक्रमितहरुको उपचार गरिने छ ।