भारतमा आज ‘जनता कर्फ्यु’, राति ९ बजेसम्म लागु हुने

एजेन्सी । भारतमा आज विहान ७ बजेदेखि जनता कर्फ्यु लगाइएको छ । जनता कर्फ्यु राति ९ बजेसम्म लागु हुनेछ ।

कोरोना भाइरसको संक्रमण नियन्त्रणका लागि आज एक दिनका लागि यो व्यवस्था गरिएको हो ।

भारतीय नागरिकलाई कोभिड १९ को महामारीबाट जोगाउन भन्दै भारतीय प्रधानमन्त्री मोदीले जनता कर्फ्यू लगाएका हुन् ।

उनले बिहीबार देशवासीको नाममा सम्बोधन गर्दै आफैं अलग्गै घरमा बस्न आह्वान गरेका थिए ।

भारतमा कोरोना भाइरसका कारण पाँच जनाको मृत्यु भएको छ भने, तीन सय ३० जना संक्रमित छन् ।