कोरोना महामारी -जापानमा १ हजार बढीलाई कोरोना संक्रमण

टोकियो- शनिवारसम्मको पछिल्लो तथयांकका अनुसार जापानमा कोरोना संक्रमीतहरुको संख्या १०१७ पुगेको जापानी स्वास्थ्य मन्त्रालयले बताएको छ ।

जापानले आयन लागेको ओलम्पिक्स प्रतियोगितालाई मध्य नजर राख्दै स्वास्थ्य सतर्कता बढाएता पनि संक्रमणको संख्या १००० भन्दा बढी भएको छ ।

स्वास्थ्य मन्त्रालयका अनुसार विगत २४ घण्टामा जापानमा कोरोना संक्रमणका कारण एक जनाले पनि ज्यान गुमाएका छैनन् । शुक्रवार ३० जना रहेको उक्त संख्या त्यतिमै स्थिर रहेको छ ।

गत महिना क्रुज सिपमा पाइएका ७१२ संक्रमितहरु समेत लाई गन्ने हो भने संक्रमितहरुको जम्मा संख्या १७०० बढी हुन जान्छ ।

संक्रमितहरुको संख्या बढ्ने क्रम नरोकिएता पनि जापानले हाल स्वास्थ्य सतर्कता बढाएर दैनिकिलाई सामान्य तर्फ उन्मुख गर्न खोजिरहेको पनि मत्त्रालयले बताएको छ ।

यता जापान सरकारले विद्यालयहरु आगामी सोमवार बाट निर्वाध रुपमा सञ्चालन गर्न पनि अनुरोध गरेको छ ।

आउदो जुलाईबाट सुरु हुन गइरहेको जापान ओलम्पिक पनि निर्धारित समयमा नै गर्ने गरि जापानले तयारी गरिरहेको जनाएको छ । तर पनि विश्वका कतिपय देशहरुले छनौट चरणका खेलहरु समेत कोरोना संक्रमणका कारण सञ्चालन गर्न सकिरहेका छैनन् ।