वैदेशिक रोजगारीमा जान नपाएका नेपालीलाई सरकारले काम दिन्छ- मन्त्री खतिवडा

काठमाडौं– सरकारका प्रवक्ता एवं अर्थ तथा सञ्चार मन्त्री युवराज खतिवडाले कोरोना भाइरसका कारण वैदेशिक रोजगारीमा जान नपाउने नेपालीहरुलाई सरकारले रोजगारी दिने बताएका छन् । उनले नियमित पत्रकार सम्मेलनमा यो कुरा बताएका हुन् ।

‘काम गर्न चाहानेले आफ्नो नाम सूचिकृत गराए सरकारले रोजगारी उपलब्ध गराउँछ’, मन्त्री खतिवडाले भने ।

नेपाल पनि मार्च २० देखि अप्रिल १५ सम्मका लागि यूरोप, खाडी, मलेसिया, दक्षिण कोरियालगायत कोरोना संक्रमित मुलुकहरुमा आवागमनमा प्रतिबन्ध लगाएकाले मन्त्री खतिवडाले साना-ठुला काम भनि भेदभाब नगर्नेलाई सरकारले काम उपलब्ध गराउने बताएका छन् ।