ग्याँस अभाव भयो भनेर नआत्तिन उपभोक्तालाई सरकारको अपिल

काठमाडौं-उद्योग वाणिज्य तथा आपूर्ती मन्त्रालयले आवश्यकता भन्दा धेरै खाना पकाउने एलपी ग्याँस मौज्दातमा नराख्न उपभोक्तालाई आग्रह गरेको छ ।

मन्त्रालयले विज्ञप्ती निकालेर बजारमा ग्याँसको खपत नियमितभन्दा धेरै देखिएकोले त्यसो नगर्न उपभोक्तालाई आग्रह गरेको हो ।

बजारमा आपूर्ती सहज गर्न यो महिना नियमित आपूर्तीभन्दा ११ हजार मेट्रिक टन बढि ग्याँस आयातको प्रक्रिया सुरु गरिएको पनि मन्त्रालयले जनाएको छ ।

मन्त्रालयका सहायक प्रवक्ता उर्मिला केसीले विज्ञप्ती निकालेर बजारमा ग्याँसको आपूर्ती प्रयाप्त भएकोले माग धान्न समस्या नरहेको बतानउनुभयो ।

मन्त्रालयले उपभोक्ताहरुलाई दैनिक उपभोग्य वस्तुहरुको अभाव हुन नदिन र मूल्यवृद्धि नियन्त्रण गर्न अनुगमनलाई प्रभावकारी रुपमा अगाडि बढाएको पनि जनाएको छ ।

उपभोक्ताहरुलाई विगतमा झै नियमित तरिकाले वस्तुहरु उपभोग गर्न तर अनावश्यक मौस्दात नराख्न आग्रह गरिएको मन्त्रालयकी सहायक प्रवक्ता केसीको भनाई छ ।