तराईका जिल्लामा आज होली मनाईदै

काठमाडौं – फागु अर्थात होली सद्भाव र आत्मियता साटासाट गदै आज मंगलबार तराईमा मनाईदैछ ।

जनकपुरबाहेक तराईमा आज होली पर्व मनाउन लागिएको हो । १५ दिनसम्मको धार्मिक परिक्रमा सकिएको भोलिपल्ट मनाइने परम्परा अनुसार जनकपुरमा तराईका अरु ठाउँभन्दा एकदिन ढिलो होली मनाउने परम्परा छ ।

काठमाडौं उपत्यकासहित पहाडि र हिमाली जिल्लाहमा भने सोमबार होली मनाइएको छ । होली पर्वसँग त्रेतायुगमा हिरण्यकश्यपुले आफ्ना छोरा प्रह्लादलाई मार्न आगोले नजलाउने क्षमता भएकी आफ्नी बहिनी होलिकालाई प्रह्लादसहित दन्किरहेको आगोमा पस्न लगाउँदा होलिका आफैँ भष्म भएकी तर प्रह्लादलाई केही नभएको कथा जोडिन्छ ।