कोरोनाको आशंकापछि टेकुबाट भागेका व्यक्ति पक्राउ, आइसोलेसन वार्डमा राखियो

काठमाडौं शुक्रराज ट्रपिकल तथा सरुवा रोग अस्पतालको आइसोलेसन वार्डमा भर्ना भएपछि भागेका एकजना व्यक्तिलाई पक्राउ गरी अस्पतालको आईसोलेसन वार्डमा राखिएको छ ।

कोरियाबाट नेपाल आएका उनलाई विमानस्थलबाट कोरोनाको आशंका पश्चात परिक्षणका लागि अस्पताल पुर्याइएको थियो ।

अस्पतालको झ्यालबाट हामफालेर भागे पछि अस्पताल प्रशासनले प्रहरीमा खबर गरेको थियो । प्रहरीले तत्काल संयन्त्र परिचालन गरि त्यस व्यक्तिलाई बिराटनगर पुगेको थाहा पाएसँगै पक्राउ गरेको हो ।

उनलाई जिल्ला प्रहरी कार्यलय मोरङको टोलीले बिहीबार साँझ पक्राउ गरेको हो ।

उनलाई बीपी कोइराला स्वास्थ्य विज्ञान प्रतिष्ठानको आइसोलेसन वार्डमा पठाइएको छ । कोरोना भाइरस भए–नभएको पुष्टि भने भइनसकेको डाक्टरले बताएका छन् ।