दुबईका शासक शेख मोहम्मदले श्रीमती र छोरीमाथि हिंसा गरेको ठहर

काठमाण्डौ – दुबईका शासक शेख मोहम्मद बिन रशिद अल मकतुमले श्रीमती र छोरीमाथि हिंसा गरेको बेलायतको उच्च अदालतले ठहर गरेको छ ।

दुई बच्चासहित भागेर बेलायत पुगेकी शेख मोहम्मदकी श्रीमती हाया बिन्त अल हुसेनले आफू र छोरीको जीवनरक्षाको माग गर्दै मुद्दा दायर गरेकी थिईन ।

८ महिनादेखिको मुद्दामाथि सुनुवाइ गर्दै उच्च अदालतले हिंसा भएको ठहर गरेको हो ।

शेख मोहम्मदले श्रीमती र छोरीलाई अपहरण, जबरजस्ती फिर्ता, यातना र डर देखाएको भन्ने आरोप लागेको थियो । त्यो आरोपलाई बेलायतको उच्च अदालतले पुष्टि गरेको हो ।

फैसलामा शेख मोहम्मद अदालत उपस्थित नभएपछि उनी अदालतप्रति इमान्दार नभएको पनि आदालतले जनाइएको छ ।

अदालतले शेख मोहम्मदमाथि हुने कारबाहीको बारेमा खुलाएको छैन ।

शेखकी छैठौँ श्रीमती हाया जोर्डनमा जन्मेर बेलायतमा पढेकी हुन् ।