खतिवडाले पद तथा गोपनीयताको शपथ लिए

काठमाण्डौ-राष्ट्रपति विद्यादेवी भण्डारीसमक्ष नवनियुक्त अर्थ र सञ्चार तथा सूचना प्रविधिमन्त्री डा. युवराज खतिवडाले पद तथा गोपनीयताको शपथ लिएको छन। युवराज खतिवडाले पुनः अर्थ मन्त्रालयको जिम्मेवारी सम्हालेका छन्। राष्ट्रिय सभा सदस्यको कार्यकाल सकिएपछि मन्त्री पदबाट हिजो राजीनामा दिएका खतिवडाले राष्ट्रपतिबाट पद तथा गोपनीयताको शपथ लिएपछि आज (बुधबार) पुनः मन्त्रालयमा पुगेर कार्यभार सम्हालेका हुन्।

राष्ट्रपति भवन, शीतल निवासमा आज अपराह्न आयोजित विशेष समारोहमा नेपालको संविधानको धारा ८० बमोजिम मन्त्री खतिवडाले पद तथा गोपनीयताको शपथ लिएको हुन।

समारोहमा उपराष्ट्रपति नन्दबहादुर पुन, सभामुख अग्निप्रसाद सापकोटा, राष्ट्रियसभाका अध्यक्ष गणेशप्रसाद तिमिल्सिना, मन्त्रिपरिषद्का सदस्य, नेकपाका वरिष्ठ नेता तथा नेपाल सरकारका उच्चपदस्थ अधिकारीहरुको उपस्थिति थियो।