राजिनामा दिएका डा. युवराज खतिवडा पुनः अर्थमन्त्रीमा नियुक्त

काठमाण्डौ-राष्ट्रपति विद्यादेवी भण्डारीले आज अर्थमन्त्रीमा डा. युवराज खतिवडालाई पुनःनियुक्त गरेकी छिन्।

राष्ट्रपति भण्डारीले नेपालको संविधानको धारा ७८ को उपधारा (१) बमोजिम प्रधानमन्त्री केपी शर्मा ओलीको सिफारिसमा डा खतिवडालाई नियुक्त गर्नुभएको राष्ट्रपति कार्यालयका प्रवक्ता हरिप्रसाद दाहालले जानकारी दिए।

राष्ट्रियसभा सदस्यको पदावधि सकिएपछि मङ्गलबार मात्र खतिवडाले अर्थमन्त्रीको पदबाट राजीनामा दिएका थिए।

राष्ट्रपति भण्डारीले खतिवडालाई सञ्चार तथा सूचना प्रविधि मन्त्रालयको कार्यभारसमेत तोकेको छ। नवनियुक्त अर्थमन्त्री खतिवडालाई आजै राष्ट्रपति कार्यालय शीतलनिवासमा पद तथा गोपनीयताको शपथग्रहण गराउने कार्यक्रम छ।