‘केक काटेर जन्मदिन मनाउने नेपाली संस्कृती होईन कमरेड’

नेपाल कम्युनिस्ट पार्टी नेकपा वाग्मती प्रदेश इञ्चार्ज अष्टलक्ष्मी शाक्यले केक काटेर जन्मदिन मनाउने नेपाली संस्कृति नभएको बताएकी छिन् ।

शाक्यले जन्मदिन मनाउने परम्परा नेपाली समाजमा भए पनि केक काटेर मनाउने कुरा अहिलेसम्म आफूलाई थाहा नभएको बताईन । नेकपाको वाग्मती प्रदेशस्तरीय प्रशिक्षण भेलामा उनले प्रधानमन्त्री ओलीले जन्मदिनमा केक काट्नुको सट्टा बत्ती बालेर उज्यालो भविष्यको कामना गर्नु नेपाली संस्कृति भएको बताईन ।

‘केक काटेर जन्मदिन मनाउने चलन हाम्रो संस्कृति होइन । होइन कामरेड यो । त्यसमा पनि नेपालको नक्सा बनाएर आमालाई चिराचिरा पार्ने काम कहाँबाट आयो । नेपाल भनेको आमा हो । मैले यतिमात्रै भन्न चाहे’, उहाँले भन्नुभयो ।

केक काटेर खान मन लागे अन्य दिनमा पनि काटेर खान मिल्ने तर जन्मदिन बत्ती बालेर र केक काटेर नमनाउन पनि उनले आग्रह गरिन् ।