कोरोना भाइरसले ८८ हजार प्रभावित, मध्यपूर्व र युरोपतर्फ फैलँदै

एजेन्सी । चीनको हुबेइ प्रान्तबाट गत डिसेम्बरमा सुरु भएको कोरोना भाइरसको संक्रमणका कारण ८८ हजार भन्दा धेरै प्रभावित भएका छन् ।
भाईरस मध्यपूर्व, युरोपसहित विश्वका अन्य भागमा फैलिने क्रम जारी छ ।

ती देशहरुमा कोरोनाबाट संक्रमित हुनेको संख्या बढ्दै गएको छ भने चीनमा नयाँ बिरामीको संख्या कम हुँदै गएको समाचार संस्थाहरुले बताएका छन् ।

संक्रमण बढ्न थालेपछि मध्यपूर्व लगायतका देशहरुले आफ्ना नागरिकलाई स्वदेश फर्काउन थालेका छन् भने सीमा नाकामा चेकजाँचमा कडाइ गरेका छन् ।