खतिवडालाई सञ्चार तथा सूचनाप्रविधि मन्त्रालयको जिम्मेवारी

काठमाण्डौ-अर्थमन्त्री युवराज खतिवडाले सञ्चार तथा सूचनाप्रविधि मन्त्रालयको पनि जिम्मेवारी पाएका छन्।

सेक्युरिटी प्रिन्टिङ खरिद प्रकरणमा मुछिएपछि गोकुल बाँस्कोटाले राजीनामा दिएपछि मन्त्रालयको जिम्मेवारी पाएका खतिवडाले आइतबार पदभार ग्रहण गरेका हुन। पदभार ग्रहण कार्यक्रममा मन्त्री खतिवडाले सरकारी सञ्चार माध्यम देशभरीका जनताको साझा माध्यम भएकाले सन्तुलित सूचना प्रवाह गर्न निर्देशन दिएका छन। मन्त्रालयको जिम्मेवारी सम्हाल्दै अर्थमन्त्री खतिवडाले सञ्चार माध्यमले लोकतन्त्र बलियो बनाउने बताए। सरकारले सञ्चालन गरेका मिडियाले समेत सरकारको आलोचना गर्नसक्ने भन्दै स्वतन्त्र भएर सूचना प्रवाह गर्न आग्रह गरे।

सरकारी सञ्चार माध्यमले सरकारको मात्रै गुणगान गाउनुपर्छ भन्ने मान्यता सरकारले नराख्नले उल्लेख गर्दै खतिवडाले राज्य सञ्चालनमा जनताले निर्वाह गर्ने भूमिका र त्यसले समावेशी विकासमा पुर्याउने योगदानलाई मध्यनगर गर्दै सूचना सम्प्रेशण गर्न आग्रह गरेका छन्। मन्त्री खतिवडाले लोकतन्त्र बलियो बनाउन सञ्चार माध्यमको महत्वपूर्ण भूमिका हुने बताएका छन। सरकारले गरेका राम्रा र नराम्रा दुबै कामहरु जनतामाझ पुर्याउने जिम्मेवारीमा रहेका सञ्चारमाध्यमले राम्रालाई नराम्रा र नराम्रा कामलाई राम्रा काम भनेर नपु¥याउन पनि आग्रह गरेका छन्।