प्रधानमन्त्री र प्रधानन्यायाधिशलाई पनि अनुसन्धानमा ल्याउनुपर्छ – बाबुराम भट्टराई

पोखरा-समाजवादी पार्टीका संघीय परिषद अध्यक्ष एवं पूर्वप्रधानमन्त्री डा।बाबुराम भट्टराईले प्रधानमन्त्री र प्रधानन्यायाधिशलाई पनि अनुसन्धानमा ल्याउनुपर्ने बताएका छन् । पुराना पार्टीहरु ओरालो लाग्दै गरेको भन्दै उने सबैलाई अनुसन्धानमा ल्याउन मिल्नेगरी व्यवस्था ल्याउनुपर्ने बताए ।

पोखरामा कार्यकर्ताहरुसंगको भेटमा भट्टराईले भ्रष्ट एवम असक्षमहरु ओरालो लागेको र मुलुकलाई समृद्ध बनाउने सिद्धान्त, कार्यक्रम र कार्यशैलीसहितको समाजवादी पार्टी बैकल्पिक शक्ति भएको दावी गरे ।

उनले नेकपाको विकल्प काँग्रेस, काँग्रेसको विकल्प नेकपाको जमाना गएको पनि बताए । अब समाजवादी शसक्त रुपमा अघि बढ्दैछ आगामी चुनावसम्ममा सबैभन्दा शक्तिशाली पार्टी बन्छ ।

एमाले र माओवादीको एकता तेल र पानी मिसाए जस्तो हो भन्दै भट्टराईले गुटै गुट र लुटै लुटले मुलुकलाई भ्रष्टीकरणमा डुवाएको र काँग्रेस पनि उही ड्याङको पार्टी भएकाले मुलुकको आवाश्यकताले गठित समाजवादी पार्टीका नेता कार्यकर्ताहरुलाई सशक्त रुपमा अभियान तिव्र पार्न निर्देशन दिए ।

प्रधानमन्त्री र प्रधानन्यायधीसलाई पनि अनुसन्धानमा ल्याउने गरी लोकपालको व्यवस्था गर्नुपर्नेमा जोड दिंदै भट्टराईले भने– तर भ्रष्टहरु मान्न तयार छैनन् । ललिता निवास, मातातिर्थ लगायतमा आफूलाई फँसाउन खोजेका भन्दै उनले आफ्नो गल्ती नभएकोले कसैले रौं पनि हल्लाउन नसक्ने बताए ।