जर्मनीमा अन्धाधुन्ध गोली हानेर ८ जनाको हत्या

एजेन्सी – जर्मनीको हनाउस्थित शीशा बारमा अन्धाधुन्ध गोली प्रहारबाट ८ जनाको मृत्यु भएको छ ।
अरु ५ जना गम्भीर घाइते भएका छन् ।

गए राति १० बजे भएको गोलीकाण्डको कारण भने खुल्न सकेको छैन । स्थानीय सिटी सेन्टरस्थित बारमा पहिलो गोली चलेको केही समयमै हनाउ शहरकै केसेलस्टाड नजिक दोस्रो पटक गोली चलेको थियो ।

पहिलो गोली काण्डमा तीन जनाको मृत्यु भएको थियो भने दोस्रो पटक गोली चल्दा अन्य पाँच जनाको ज्यान गएको हो ।

गोली चलाउनेहरुको खोजिका लागि हेलिकप्टरमार्फत प्रहरी परिचालन गरिएको छ ।