पूर्व सभामुख महरालाई सफाई , आजै थुनामुक्त हुने , कार्यकर्ता स्वागतको तयारीमा

काठमाण्डाै-जबरजस्ती करणी मुद्दाकाे आराेप लागेका पूर्व सभामुख कृष्णबहादुर महराले सफाइ पाएका छन् ।

जिल्ला अदालत काठमाण्डाैका न्यायाधीश अम्बरराज पौडेलको इजलासले महरालाई सफाइ दिएको हो ।

अदालतले सफाइ दिएसँगै पुर्पक्षका लागि थुनामा रहेका महरा आजै रिहा हुने छन् ।

नेकपा कार्यकर्ताहरुले डिल्लीबजार कारागार बाहिर उनको स्वागतको तयारी गरेका छन् ।

संसद् सचिवालयमा कार्यरत एक महिला कर्मचारीमाथि जबरजस्ती बलात्कार गरेकाे अभियोगमा महरा पुर्पक्षका लागि डिल्ली बजार कारागारमा थिए ।

महराविरुद्ध गएको कात्तिक १४ गते जिल्ला अदालत काठमाण्डाैमा मुद्दा दायर भएको थियो ।

महराविरुद्ध जबरजस्ती करणी प्रयासमा पाँच वर्ष र सार्वजनिक पद धारण गरेर कसुरको प्रयास गरेको अभियोगमा साढे दुई वर्ष गरी साढे सात वर्ष कैद सजाय मागसहित मुद्दा दायर भएको थियो ।