रक्षामन्त्री पोखरेल कालापानी भ्रमणमा, एक इन्च भूमी नछाड्ने अठोट

काठमाडौं – उपप्रधान तथा रक्षामन्त्री ईश्वर पोखरेलसहितको टोली आज कालापानीको निरिक्षणमा निस्किएका छन् ।
प्रमुख जिल्ला अधिकारी यदुनाथ पौडेलले उपप्रधानमन्त्रीसहितको टोली कालापानी जाने कार्यक्रम तय भएको बताए ।

भारतले कालापानी, लिपुलेक र लिम्पियाधुरा आफ्नो नक्सामा राखेपछि मन्त्री पोखरेल पहिलो पटक दार्चुला पुगेका हुन् ।

उनले देशको सिमाना मिचेको कुरा नसहने स्पष्ट पारे ।

उनले कालापानीसहित लिपुलेक र लिम्पियाधुराका बारेमा राजनीतिक दल एकै ठाउँमा उभिएकाले आफ्नो भूमि फिर्ता ल्याउने विषयमा भारतसँग वार्ता गर्न सजिलो भएको बताए ।
सरकारले छाङरुमा सशस्त्र प्रहरी बेसक्याम्प राख्ने निर्णय गरेको छ । त्यसका लागि उच्चस्तरीय टोलीले निरीक्षण गर्नेछ ।

कालापानी क्षेत्रमा ५–६ फिट हिउँ जमेको छ ।