चीनको हुबेई प्रान्तका सरकारी अधिकारी पदमुक्त

एजेन्सी – चीनले हुबेई प्रान्तका उच्च सरकारी अधिकारीहरुलाई पदमुक्त गरेको छ ।
कोरोना भाइरसबाट मृत्यु हुनेको संख्या बढ्दै गएपछि हुबेई प्रान्तका उच्च सरकारी बरखास्तीमा परेका हुन् ।

पछिल्ला दिनहरुमा भाइरस प्रभावितहरुको संख्या बढ्दै गएपछि सरकारले सबैभन्दा बढी प्रभावित हुबेई प्रान्तका शीर्ष राजनीतिक नेतृत्वलाई जिम्मेवारीमुक्त बनाएको हो ।

हुबेई प्रान्तको वुहान शहरबाट डिसेम्बरमा देखा परेको कोभिड नाइन्टीन भाइरसका कारण पछिल्ला दिनमा करिव १५ हजार जना नयाँ संक्रमित थपिएका छन् ।

भाईरसका कारण प्रभावित हुनेको संख्या ६० हजार पुगेको छ ।
चीन बाहेक अन्य २५ देशमा पनि कोरोनाका बिरामी देखा परेको चीनको सरकारी संचारमाध्यमले जनाएको छ ।

चीन बाहेक हङकङ, फिलिपिन्स र जापानमा एक एक जनाको मृत्यु भएको छ । यसैबीच विश्व स्वास्थ्य संगठन डब्लूएचओले हुबेई प्रान्तबाहेक चीनका अन्य शहरमा कोरोनाका बिरामी नभएको स्पष्ट पारेको छ ।