तत्कालिन माओवादी समाप्त हुने देखेपछि शान्ति प्रक्रियामा आएको हो : प्रचण्ड

काठामाडौं-नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्डले माओवादी र एमाले जनयुद्धदेखि नै निकट रहेकोले एकता सम्भव रहेको बताएका छन्।

काठमाडौंमा भएको कार्यक्रममा उनले तत्कालिन माओवादी र तत्कालिन एमालेबीचको एकता लहडमा नभएको बताए। उनले अहिले कतिपयले जनयुद्धको नक्कल गर्न खोजेको भन्दै त्यो सफल हुन नसक्ने बताए।

तत्कालीन माओवादी समाप्त हुने खतरा देखेपछि शान्ति प्रक्रियामा आएको भन्दै उनले शान्ति प्रक्रियामा आउने भनेर सही समयमा, सही निर्णय गरिएको बताए।

सुखानीमा मारिएका किसान आन्दोलनका नेताहरु र माओवादी जनयुद्धका पहिलो शहीद दिलबहादुर रम्तेलको सम्झनामा फागुन १४ गतेदेखि २१ गतेसम्म शहीद सप्ताह मनाउने गरेको उनले बताए।

कार्यक्रममा नेकपाका उपाध्यक्ष बामदेव गौतमले तत्कालिन माओवादीबाट तत्कालीन एमालेका तीन सय जना मारिएको भन्दै उनीहरुलाई भुल्नु नहुने बताए।