त्रिभुवन अन्तरराष्ट्रिय विमानस्थलको कफी सपमा आगलागी

काठमाडौँ-त्रिभुवन अन्तरराष्ट्रिय विमानस्थलको कफी सपमा सोमबार राती आगलागी भएको छ ।

विमानस्थलको अन्तरराष्ट्रिय टर्मिनलभित्र रहेको एयरपोर्ट टी एन्ड कफी सपमा आगलागी भएको विमानस्थलले जनाएको छ । विमानस्थलको दमकलले आगलागी नियन्त्रणमा लिएको छ ।

विमानस्थलको अन्तरराष्ट्रिय टर्मिनलमा रहेको विश्राममा रहेको कफी सपमा आगलागी भएको र दमकलको सहायताले आगो नियन्त्रण गरिएको थियो |

आगलागीका कारण विमानस्थलको आन्तरिक तथा अन्तरराष्ट्रिय उडान सेवा अझै आधा घण्टासम्म बन्द भएको थियो ।

विद्युत् सट भएर आगलागी भएको बताइएको छ ।