ए डिभिजन लिगमा आज नवौं चरणको अन्तिम दिन: दुई खेल हुँदै

काठमाडौं – सहिद स्मारक ए डिभिजन लिग फुटबलमा आज बिहिबार दुई खेल हुदैछन् । नवौं चरणको अन्तिम दिन आज च्यासल र फ्रेन्ड्स तथा ब्रिगेड ब्वाईज र एनआरटी भिड्न लागेका हुन् ।

दुवै खेल त्रिपुरेश्वरस्थित दशरथ रंगशालमा हुनेछ । फ्रेन्ड्स र च्यासलबीचको खेल मध्यान्न १२ बजे हुनेछ ।

च्यासल ९ अंक सहित तालिकाको नवौं स्थानमा छ । फ्रेन्ड्स ८ अंक सहित ११ औं स्थानमा छ ।

ब्रिगेड ब्वाईज र एनआरटीबीचको खेल दिउँसो ३ बजे हुनेछ । ब्रिगेड ८ अंक सहित दशौं र एनआरटी १२ अंक सहित छैटौं स्थानमा छ ।