रौतहटमा भारतीय आपराधिक समूह र प्रहरीबीच भिडन्त, १ जना घाइते

काठमाडौँ – मंगलबार राति भारतीय अपराधिक समुह र नेपाल प्रहरी बिच रौतहटको सिमा क्षेत्र गोली हानाहान हुँदा एक जना घाइते भएका छन् ।

जिल्ला प्रहरी कार्यालय रौतहटका प्रहरी उपरिक्षक रबिराज खडकाका अनुसार राती करिब साडे १२ बजे रौतहटको इशनाथ नगरपालिका वाड नं. १ बन्जरास्थित बकैया नदीको बाधमा भारतीय अपराधी र प्रहरीबीच गोली हानाहान भएको छ । प्रहरीको गोली लागेर भारत मोतिहारी जतौलिया ग्राम पन्चायतका वडा नं ४ का शेख चाँद अली घाइते भएको प्रहरी उपरिक्षक खडकाले बताए ।

बन्जहरा गाउको सिमा क्षेत्रमा ३ जना समुहमा रहेका उनीहरुले एम्बुस राख्न लागेको सुचना पाएपछि सो क्षेत्रमा प्रहरी पुग्ने बितिकै दोहोरो भिडन्त भएको खडकाले बताएका छन् । दोहोरो भिडन्तको क्रममा २ जना भारततर्फ भागेका थिए । घाइते भएका चादलाई भने उपचारको लागि गौर अस्पताल ल्याइएको प्रहरीले जनाएको छ ।

अभियुक्त चाद भारतमा जेल सजाय काटेको र प्रहरी हिरासतबाट भागेर पनि नेपाल तथा भारतमा चन्दा आंतक मच्चाइ रहेको खुल्न आएको प्रहरीले जानकारी दिएको छ । उनले कथित मधेशी नेशनल पार्टीको नाममा नेपालका बिभिन्न इट्टा भट्टा संचालकहरु संग चन्दा माग्दै आंतक मच्चाएको प्रहरी उपरिक्षक खडकाले जानकारी दिए ।