रसुवागढी नाका १५ दिनका लागि बन्द

काठमाडौं-रसुवागढी नाका १५ दिनका लागि बन्द गरिने भएको छ। चिनमा ल्होसारको कारण सार्वजनिक विदा हुने भएकाले यस्तो निर्णय गरिएको हो। चिनिया भन्सारका अनुसार सार्वजनिक विदा दिइएकोले आयात निर्यात भने प्रभावित बनेको छ।

नेपाली र चिनियाँ अधिकारीबीच बिहान रसुवागढीमा बसेको बैठकले भोली बुधबारदेखि नाका बन्द गर्ने निर्णय गरेको हो। कोरोना भाइरसको संक्रमण रोक्न, केरुङतर्फ जाने सडकमा हिउँपरेको तथा ढुंगाहरू खस्ने भएकाले दुर्घटना हुन सक्ने र ल्होसार पर्वको कारण नाका बन्द गर्न लागेको बैठकमा सहभागि अधिकारीले बताएका छन्।

नाका बन्द हुनु अगाडी व्यवसायीका ६० वटा गाडी मा सिल भएको छ। सिल लगाएको गाडि भने नेपाल आउने तयारीमा छन् अरु सिल लगाउन बाकी बिदा सकिएपछि मात्रै काम सुरु हुनेछ। चीनमा रहेका व्यापारी नेपाली व्यवसायी सोमबार देखि नै घर फर्कन थालेका छन्।

अत्याधिक हिँउ परेका कारण सिल लगाएका कन्टेनर नेपाल आउन पाएका छैनन सिल लागेका गाडिहरु आउन नसकेर केरुङ तथा पाङसिङमा रोकिएका छन्।

बैठकमा नेपाल प्रहरी, चिनियाँ प्रहरी र अध्यागमन कार्यलयका अधिकारी उपस्थित भएका थिए।