नेपाल आए लगत्तै गायिका आस्था राउत प्रहरी नियन्त्रणमा

काठमाडौं-गत माघ १ मा गायिका आस्था राउतले विमानस्थलमा आफूमाथि दुर्व्यवहार भएकाेसामाजिक सञ्जाल फेसबुकमा लाइभ गरेकी थिइन्।

त्यसको केहि समयपछि विमानस्थलमा गायिका आस्थाको जाँच गर्दाको सिसिटिभी भिडियो बाहिरिए थियाे।

अभद्र व्यवहार सम्बन्धी कसुरमा राउतविरुद्ध पक्राउ अनुमति जारी भएपछि उनी परिवारसँग प्रहरीको सम्पर्कमा आएकै बेला पक्राउ परेकी छन्। गायिका आस्था राउतलाई प्रहरीले नियन्त्रणमा लिएको छ। आस्था राउतलाई आफन्तले महानगरिय प्रहरी परिसर काठमाडौंमा आज बिहान लगेपछि प्रहरीले नियन्त्रणमा लिएको हो।

नेपाल आए लगत्तै पक्राउ गर्ने तयारी गरेपछि आस्थाकाे परिवार उनलाई नेपाल फर्किए लगत्तै प्रहरी कार्यालयमा हाजिर गराउन सहमत भएकाे थियाे। उनीबिरुद्द अभद्र व्यवहार सम्बन्धी कसुरमा मुद्दा चल्नेछ।

आस्था राउतलाई प्रहरीले बुझाएको अनुसन्धान प्रतिवेदनका आधारमा जिल्ला प्रशासन कार्यालय काठमाडौंले पक्राउ गर्न अनुमति दिएको थियो। प्रहरीले उनी आफै प्रहरी कार्यालयमा आएको खन्डमा लचिलो बन्ने संकेत दिएको थियो।

सामाजिक संजालमा भिडियाे बाहिरिएपछि आस्थाले फेसबुकमार्फत नै लाइभमा आफ्नो बचाउ गरेकी थिइन्। पछि आस्थाले आफूले बोलेका कतिपय शब्दहरूले प्रहरी संगठनलाई चोट पुगेको भन्दै फेसबुक लाइभबाट माफ पनि मागेकी थिइन्।