सापकोटालाई टोपी आचारसंहितालाई धोती

काठामडौं – नेपाल कम्युनिष्ट पार्टी नेकपाका स्थायी समिति सदस्य अग्नि सापकोटाले आइतबार सभामुखको टोपीलगाउँदै छन् ।

सशस्त्र द्वन्द्वकालीन हत्याप्रकरणमा तानिए पनि सापकोटालाई सभामुख हुनबाट मौजुदा कुनै कानुनले रोक्दैन, तर आचारसंहिताले भने प्रश्न गर्छ ।

एमाले र माओवादी केन्द्र मिलेर बनेको नेकपामा प्रधानमन्त्री ओलीले पूर्व एमालेबाट सुवास नेम्बाङलाई सभामुख बनाउन खोज्नु न्यायिक प्रयास थिएन, पूर्व माओवादी केन्द्रलाई दिइएको सभामुख पदमा पूर्व एमाले ल्याउनु सन्तुलनका दृष्टिले बेठिक थियो ।

सभामुख पद पूर्व माओवादी केन्द्रलाई दिन डेढ महिनाको रस्साकस्सी भयो, प्रतिनिधि सभाको बैठक नै स्थागित भयो, शीर्ष नेताको कमजोरीका कारण राज्यले नै नोक्सान बहन गर्नुप¥यो ।

जे भए पनि अन्ततः मानसिक रुपले एकीकरणको संक्रमणमा रहेको नेकपाले पूर्व माओवादी केन्द्रबाटै सभामुख छानेर सन्तुलनको राजनीतिलाई सघायो । ढिलो आयो राम्रो आयो । यद्यपि सम्पूर्ण रुपले राम्रो हुन भने सकेन ।

पूर्व माओवादी केन्द्रबाटै सभामुख हुनु राम्रो भएपनि सर्वोच्च अदालतमा विचाराधीन रहेको मुद्दा किनारा नलागेको अवस्थामा पार्टीले अर्को योग्य उम्मेदवार दिनुपथ्र्यो । हालै मात्रजारी नेकपाको आचारसंहिताको मर्म त्यही पार्टीका शीर्ष नेताहरुबाट उल्लंघन भयो ।

सापकोटा निर्दोष होलान, तर सार्वजनिक व्यक्तित्व बोकेका व्यक्तिमाथि जब औंला उठ्छ तब त्यसको निराकरण नभएसम्म उनीहरुले अलि बढी त्याग गर्नैपर्छ । पूर्व माओवादी केन्द्रमा सभामुख चलाउन सक्ने उचाइका कामरेड अरु थिएनन् र रु

निवर्तमान सभामुख कृष्णबहादुर महराले नैतिक आचार उल्लंघनको आरोपको ‘सिजन’ सुरु गरिदिएकाले हो कि, एकपछि अर्को गर्दै आचारसंहिता उल्लंघन भए ।

सबैभन्दा ठूलो आचारसंहिता नेकपाले उपसभामुख डा। शिवमाया तुम्बाहाम्फेलाई हैकमवादी शैलीमा‘राजीनामा दिन निर्देशन’दियो ।
नेपालसमाचाारपत्र दैनिकबाट