सापकोटा विरुद्ध बिरोध प्रदर्शन: प्रदर्शनकर्मी भन्छन् हत्यारालाई सभामुख नबनाउ

काठमाडौं-सत्तारूढ नेपाल कम्युनिष्ट नेकपाका स्थायी कमिटी सदस्य अग्निप्रसाद सापकोटाविरूद्ध बुधवार माइतीघर मण्डलमा प्रदर्शन गरिएको छ । उनी प्रतिनिधिसभाको रिक्त सभामुख पदका लागि उम्मेदवार समेत हुन् ।

उम्मेदवार सापकोटा काभ्रेका अर्जुन लामा हत्याको आरोपी भएको र हत्या घटनामा अनुसन्धानको क्रममा रहेका व्यक्तिलाई सभामुख नबनाउ भन्दै प्रदर्शन भएको थियो ।

सापकोटाविरूद्ध सर्वोच्च अदालतमा मुद्दा परेको छ । उनीमाथि २०६२ सालमा तात्कालिन माओवादीद्धारा अपहरण गरिएका काभ्रे छत्रेबाँझका अर्जुन लामाको हत्या गरेको आरोप छ ।