उखु किसानको भुक्तानी नदिने तीन सुगर मिलको आर्थिक कारोबार रोक्का

काठमाडौं– तीनवटा सुगर मिल्सको आर्थिक कारोबार रोक्का हुने भएको छ । उद्योग बाणिज्य तथा आपुर्ति मन्त्रालयले उखु किसानहरुको रकम समयमा नै भुक्तानी नदिएको भन्दै उनीहरुको आर्थिक कारोबार रोक्का गर्न आन्तरिक राजस्व विभागमा पत्रचार गर्ने निर्णय गरेको छ ।
मन्त्रालयले बुधबार पत्रकार सम्मेलन गर्दै अन्नपुर्ण, इन्दिरा र लुम्बीनी सुगर मिल्सको आर्थिक कारोबार रोक्का गर्न विभागमा पत्राचार गर्ने निर्णय गरेको जानकारी दिएको छ ।

हालसम्म पनि ति उद्योगहरु मन्त्रालयको सम्पर्कमा आएका छैनन् । ति सुगर मिलले उखु किसानसँग माघ ७ गतेभित्र सम्पूर्ण बक्यौता रकम बुझाउने सहमति गरेपनि अहिलेसम्म किसानको बक्यौता तिरेका छैनन् । सहमति मन्त्रालयको मध्यस्थतामा भएको थियो।

लुम्बीनी सुगर मिलका सन्चालक मनिष अग्रवालको मृत्यु भएको छ भने अव कसले चलाउने भन्नेमा मन्त्रालय नै वेखवर रहेको छ । अन्नपुर्ण र इन्दिर सुगर मिल राकेश अग्रवालको हो । राकेश भने अझै मन्त्रालयको सम्पर्कमा आएका छैनन्। मन्त्रालय सोमबार गृहमन्त्रालयलाई सम्पर्कमा नआएका सुगर मिलका सन्चालकलाई सम्पर्कमा ल्याउनको लागि आग्रह गर्दै पत्र समेत पठाई सकेको छ ।