सोलुखुम्बुमा गोली चल्यो

सोलुखुम्बु – सोलुखुम्बलाई राष्ट्रिय विद्युत प्रशारण लाईनमा जोडिने कार्यक्रममा प्रदर्शनकारीले गोली चलाएका छन् । सोलुदुधकुण्ड नगरपालिका ११ तिङ्लाका स्थानियले कार्यक्रम बहिस्कार गरेका थिए ।

कार्यक्रम स्थलमा विहानै देखि टायर बालेर सडक नै अवरुद्ध गरेका थिए । स्थानियबासीलाई आयोजक र प्रसाशनले पेलेर अघि बढ्न खाजे पछि झडपको समेत भएको छ ।

झडपमा प्रर्दशनकारीले ढुंगा मुडा गरिरहेका छन् । प्रहरीले हवाई फायर र अश्रु ग्यास प्रहार गरेका त्यहाँका प्रत्यक्षदर्शीले बताएका छन् । झडपमा दुबै पक्षका केही व्यक्तिहरु घाइते भएका छन् ।

भिड नियन्त्रण बाहिर गएपछि प्रदर्शनकारीले १६ ओटा मोटर साईकल र एउटा जिपमा आगो लगाएका छन् ।

प्रर्दशनकारीले ओखलढुँगा सल्लेरी फाप्लु सडक खण्ड अन्तर्गतको तिङला क्षेत्रको सडकको सडकको ठाउँ ठाउँमा रुख ढालेर सडक अवरुद्ध गरेका छन् । काठमाण्डौबाट सोलुखुम्बु पुगेका गाडीहरु अलपत्र परेका छन् ।

तिङला स्थित लाम्मानेमा निर्माण गरिएको सवस्टेशन मार्फत जिल्लालाई केन्द्रिय प्रशारणलाईनमा जोड्न शनिबार कार्यक्रम हुने भनिएको थियो ।

हाईड्रो प्रभावित क्षेत्र सोलुदुधकुण्ड नगरपालिका ११ तिङलामा विद्युत विस्तार नगरि सोलुदुधकुण्ड नगरपालिका ८ पत्तालेबाट केन्द्रिय प्रसारण लाईनको उद्धघाटन गर्न लागेको भन्दै तिङलाबासीले शनिबार तिङला बन्दको घोषणा गरेका थिए ।