बलुवाटारमा सभामुखबारे निर्णायक छलफल चल्दै

काठमाडौं सभामुख चयनबारे बालुवाटारमा निर्णायक वार्ता चलिरहेको छ । छलफलका लागि नेकपाका अध्यक्ष पुष्पकमल दाहाल प्रचण्ड अर्का अध्यक्ष एवं प्रधानमन्त्री केपी शर्मा ओलीलाई भेट्न बालुवाटार पुगेका छन् ।

५ दिनको संवादहिनता तोड्दै प्रधानमन्त्री ओली र प्रचण्डले बिहीबार छलफल गरेका थिए । छलफल सकारात्मक भएपछि आज निर्णयक छलफल हुन लागेको शीर्ष नेताहरुले बताएका छन् ।

प्रचण्डले अडान नछोडेपछि ओली लचक हुने संकेत देखिएको स्रोतले दाबी गरेको छ । पूर्व माओवादीतर्फबाट सभामुखका लागि अग्नि सापकोटा, पम्फा भुषाल, देव गुरुङ लगायत चर्चामा छन् ।

पूर्व माओवादीलाई नै सभामुख दिन ओली लचक बनेको खण्डमा नामका विषयमा भने ओलीको पनि रोजाई हुन सक्ने स्रोतले जनाएको छ ।