ह्यारी र मेगनलाई ब्रिटिश महारानी एलिजाबेथको समर्थन

एजेन्सी – ब्रिटेनकी महारानी एलिजाबेथले आफ्ना नाति राजकुमार ह्यारीको फैसलामा सहमत जनाएकी छिन् । महारानी एलिजाबेथले नयाँ भूमिकासम्बन्धी उनीहरूको चाहनाप्रति आफ्नो पूर्ण समर्थन रहेको बताएकी छिन् ।

यद्यपि उनले राजपरिवारको सदस्यको पूर्णकालीन भूमिकामा भए राम्रो हुने उनले बताएकी छिन् । 

राजकुमार ह्यारी र मेगन मार्कलले केही दिनअघि राजपरिवारको वरिष्ठ सदस्यको भूमिका परित्याग गर्ने र बाँकी समय यूके तथा उत्तर अमेरिकामा बिताउने घोषणा गरेका थिए ।

भूतपूर्व अभिनेत्री मेगन अमेरिकी नागरिक हुन । 

अमेरिकी टेलिचलचित्र सूट्सुमा अभिनय गर्दा उनी क्यान्डाको टोरन्टो बस्थिन । राजपरिवारको वरिष्ठ भूमिका परित्याग गरेपछि ब्रिटेनमा राजपरिवारका सदस्यको खर्च व्यहोर्ने कोषबाट पैसा नलिने घोषणा ह्यारी र मेगनले गरेका छन ।

ह्यारी र मेगनको सम्बन्ध

• ८ नोभेम्बर २०१६ – केन्सिङ्टन प्यालेसले वक्तव्य जारी गरी राजकुमार ह्यारी र मेगन मार्कल प्रेमसम्बन्धमा रहेको जानकारी
• २८ नोभेम्बर २०१७ – ह्यारी र मेगन विवाहका लागि तयार भएको भनाइ
• १५ डिसेन्बर २०१७ – केन्सिङ्टन प्यालेसले उनीहरूले मे १९ लाई विवाहको दिन तोकेको जानकारी
• १९ मे २०१८ – ह्यारी र मेगनको विवाहसँगै उनीहरूलाई ड्यूक एन्ड डचिस अफ ससिक्स उपाधि प्रदान
• १५ अक्टोबर २०१८ – केन्सिङ्टन प्यालेसद्वारा मेगन गर्भवती भएको जानकारी
• ६ मे २०१९ – मेगनको कोखबाट छोरा आर्चीको जन्म
• ८ ज्यानुअरी २०२० – परिवारको वरिष्ठ सदस्यको भूमिका परित्याग गर्ने र आर्थिक रूपमा आत्मनिर्भर हुन काम गर्ने घोषणा