चर्चित गायक निशान भट्टराईको गाडी दुर्घटनामा परी मृत्यु

काठमाडौं – चर्चित गायक निशान भट्टराईको सवारी दुर्घटनामा परी ज्यान गएको छ । सोमबार राति भएको दुर्घटनामा गायक भट्टराईको मृत्यु भएको हो ।

दरबारमार्गमा रहेको एक रेस्टुरेन्टमा आफ्नो नियमित प्रस्तुती सकेर घर फर्कने क्रममा उनी दुर्घटनामा परेका थिए ।

बानथाई रेस्टुरेन्टबाट निवास फर्कने क्रममा आफैंले चलाएको कार तीनकुनेस्थित सडकको पोलमा ठोक्किएर दुर्घटना भएकाे थियाे ।

गम्भीर घाइते भट्टराईको राष्ट्रिय ट्रमा सेन्टरमा ज्यान गएको हो ।

भट्टराई ४० को दशकको अन्त्यतिर उदाएका गायक हुन् । धरान स्थायी ठेगाना भएका भट्टराई गायिका लोचन भट्टराईका भाइ हुन् ।