फरार अभियुक्त लामालाई गाेली हानि पक्राउ

काठमाडाैं-काठमाडौंको बाैद्द नजिक जम्मुडाँडामा गोली चलेको छ । प्रहरीको खोजी सूचीमा रहेका सिन्धुपाल्चोकका विष्णु लामालाई नियन्त्रणमा लिने क्रममा प्रहरीले गोली चलाएको हो ।

महानगरीय प्रहरी वृत्त बौद्धका डीएसपी रमेशबहादुर सिंहका अनुसार पक्राउ गर्ने क्रममा भाग्न खोजेपछि लामाको खुट्टामा गोली प्रहार गरिएको हो ।गोली हानिएका लामामाथि सिन्धुपाल्चोककी एक महिलालाई चिर्पटले हानेर हत्या गरेको तथा काठमाडौं मेडिकल कलेजका एक विद्यार्थीमाथि खुकुरी प्रहार गरेको अभियोग छ ।

खुट्टामा गोली लागेका लामालाई उपचारका लागि अस्पताल भर्ना गरिएको डीएसपी सिंहले बताए ।