‘विप्लव’ नेकपा प्रवेश गर्न ढिलाई गर्नुहुन्न- प्रचण्ड

काठमाडौं-नेपाल कम्युनिष्ट पार्टी (नेकपा) का अध्यक्ष पुष्पकमल दाहाल प्रचण्डले नेत्र विक्रम चन्द ‘विप्लव’ नेकपा प्रवेश गर्न ढिलाई गर्न नहुने बताएका छन् ।

शनिबार पार्टी कार्यालय धुम्बाराहीमा विप्लव नेतृत्वको नेकपाका पोलिटब्युरो सदस्य मोहन कार्की लगायतलाई पार्टी प्रवेश गराउँदै उनले नेकपा प्रवेश गर्न ढिलाई गरियो भने त्यसले फाईदा नगर्ने बताए ।

अध्यक्ष प्रचण्डले बाँकी रहेका सबैलाई अफ्ठ्यारो नमानी आउन अपिल गर्दै कुनै फिक्रि नगरी छिटो पार्टीमा आउन आग्रह गरे । पार्टी प्रवेशपछि कार्कीले विप्लवको राजनीतिक साहस, नैतिकता र इमानदारिता नदेखेर पार्टी छाडेको बताए ।

सहजै विप्लव छोडेर आउने पक्षमा आफू नभएपनि विप्लवको त्यो राजनीतिक साहस, नैतिकता र इमानदारिता देख्न नसकेर पार्टी प्रवेश गरेको उनले बताए ।