मन्त्रीपरिषदको १४ निर्णय,सुमार्गीको ‘हेल्लो नेपाल’ को लाईसेन्स खारेजी बदर

काठमाडौं-सरकारले अजयराज सुमार्गीको हेल्लो नेपाल लगायत तीन वटा दुरसंचार कम्पनीको लाइसेन्स खारेजी बदर गरेको छ ।

मन्त्रीपरिषद बैठकले दुरसंचार प्रदायक कम्पनी हेल्लो नेपाल, स्मार्ट टेलिकम र वेभसर्फर कम्युनिकेशनको लाइसेन्स खारेज गर्ने निर्णय बदर गर्ने निर्णय गरेको हो ।

मन्त्रीपरिषद बैठकको निर्णय सार्वजनिक गर्दै संचार संचार तथा सुचना प्रविधिमन्त्री गोकुल बाँस्कोटाले दुरसंचार कम्पनीले तिर्नुपर्ने बाँकी रकम पाँच किस्तामा तिरिसक्नुपर्ने निर्णयसहित खारेजीको निर्णय बदर भएको जानकारी गराएका हुन् ।

सरकारको निर्णयअनुसार यी तीन कम्पनीले पाँच किस्तामा बाँकी रकम बुझाउनुपर्ने छ । पहिलो किस्ता आउने असार मसान्तभित्र र बाँकी चार किस्ता चार वर्षभित्र बुझाउनुपर्ने मन्त्री बाँस्कोटाको भनाई छ ।

२०७६ सालको साउन १३ गते नेपाल दुरसञ्चार प्राधिकरणले वेबसर्भर नेपाल कम्युनिकेशन सिस्टम प्रा लि, स्मार्ट टेलिकम र नेपाल स्याटलाईट टेलिकम प्रा.ली। को अनुमति पत्र खारेज गर्ने निर्णय गरेको थियो ।

हालसम्म तिनुपर्ने साँवा ब्याज सहितको बक्यौता पाँच किस्तामा नबढ्ने गरी पहिलो किस्ता चालु आर्थिक वर्ष ०७६\७७ को असार मसान्त भित्रै र बाँकी चार किस्ता प्रति वर्ष एक किस्ताका दरले प्रत्येक आर्थिक वर्षको असार मसान्त भित्रै बुझाउने गरी समय दिइने सरकारले जनाएको छ ।

निर्धारित समय भित्रै प्रत्येक किस्ता रकम र प्रचलित कानुन बमोजिम बुझाउनु पर्ने रकम नबुझाएमा कानुन बमोजिम अनुमति पत्र खारेज गर्ने पनि सरकारले स्पष्ट पारेको छ ।

यस्ता छन् मन्त्रीपरिषदका अरु निर्णयहरु