गुप्तचरले जोसुकैको फोन रेकर्ड गर्न र इमेल एसएमएस पढ्न सक्ने

काठमाडाैं-सरकारले ल्याउन लागेको सूचना प्रबिधि विधेयकले अभिव्यक्ति स्वतन्त्रताको हक जोखिम पारेको भन्दै बिरोध भैरहंदा संसदमा दर्ता भैसकेको अर्को विधेयकले गोपनियताको हक हनन गर्ने चिन्ता बढेको छ।

नेपाल बिशेष सेवा विधेयकमा राष्ट्रिय अनुसन्धान विभागले कसैको अनुमति बिना नै जो सुकै व्यक्तिको फोन गोप्य रुपमा सुन्न र रेकर्ड गर्न सक्ने प्राबधान रखिएको छ।

बिशेष सेवा गठन र संचालन सम्बन्धी बिधेयक पारित भएमा सरकारी अधिकारीले निगरानी राख्न चाहेका व्यक्तिको फोन सुन्न रेकर्ड गर्न र इमेल पढ्न सक्नेछन।

विधेयकको दफा १० भन्छ ‘संदिग्ध वा निगरानीमा रहेका व्यक्ति संघ संस्थाबाट सार्बजनिक संचार मध्यम वा विवरणलाई निगरानी र अनुगमन र इन्टरसेप्सन गर्न र अभिलेख गर्न सक्नेछ।

स्पस्टिकरणमा भानिएको छ ‘इन्टरसेप्सन भन्नाले संचार संजाललाई अनुगमन र निगरानी गरि आवश्यकता अनुसार बिषयबस्तु प्राप्त गर्ने कार्य सम्झनुपर्छ। ‘यो व्यवस्था अनुसार संचार संजाल अर्थात् टेलिफोन,इमेल,सामाजिक संजालमा भएका संवादका बिषय बस्तु गुप्तचरहरुले प्राप्त गर्न पाउनेछन।